ఉషోదయం!

  

ఉదయభానుడి లేలేత కిరణాల స్పర్శ నును వెచ్చగా తాకుతోంది

 అప్పడే విచ్చిన ఎఱ్ఱని మందారం తూర్పుదిక్కు తో పోటిపడుతోంది

 జగతినంతా మేలుకొలుపుతూ ఆకాశం ఉదయరాగం  పాడుతోంది

 మంచు మేలిముసుగు తొలగించి ప్రకృతి ఆకుపచ్చని చీరచుట్టింది

    పక్షులు కిలకిలతో కోయిల కుహుకుహులతో భూపాలరాగం జతకట్టింది

  ఉషోదయం, ఉషోదయం సమస్త జగతి కి శుభోదయం, శుభోదయం!!

విరిసిన మందారం!!

పూచింది పూచింది ఆ తోటలోన జంటమందారం
ఆకాశంలోని సూర్యబింబం తో పోటి పడుతూ ఎర్రమందారం
సిగ్గుతో ఎరుపెక్కిన చెక్కిళ్ళతో పదహారేళ్ళపడచు కన్నెమందారం
ప్రియుని ఆగమనం కోసం వేచి వున్న ముగ్ధమందారం 
ఉదయరాగం ఆలపిస్తూ,కనువిందు చేసే సోయగాలపరువపు మందారం
పచ్చటి ఆకులమధ్య విచ్చిన కన్నుల తో కోటిఆశల నడుమ విరిసిన మందారం!!